Menu
Cart 0

祝我生日快樂之,小傻娟快要做人老婆了

Posted by mag on

03bd1.jpg

↑生日零晨之雪糕蛋高

um....恨嫁的人終於嫁得出,心情直情係...QOO~~~~

亦可以話,我地一早己有結婚o既打算(樓都買左喇,啋~)不過我卻有一份堅持,覺得-求婚,哩個動作好重要,男朋友之前成日話佢第時o既求婚o既方式係全世界至巴閉,我祇有話:係呀係呀,你至巴閉,甘又唔見你做........
今日,領教過你o既求婚,的確是令我好感動!勁!!! 亦可以話有些少預感,但係就係太多出乎意料了......

03bd2.jpg

我地一早起身,去中環港澳碼頭,到碼頭前我有說笑問過係唔係坐飛机,你就話:「唔係呀,坐飛机好貴o架!」,去到排隊時,我見到o既,卻係一張直升機o既登機證,好興奮,卻好肉赤,因為盛惠每位1500大元,一個可以報名去4日3夜泰國旅行團o既價錢...@o@....,上到機,同坐共有9位,身光頸靚+鬼佬,人地上到機就小睡15分鐘,我地全程嘈嘈閉,東張西望,表現得十分「大鄉里出醒」,金金,都有陪我坐呢,唔夠15分鐘,就到了 ( 蝕左 >_

03bd3.jpg

到達後,我一直問佢住邊間酒店,我已14年冇去澳門,印象中萄京係至出名,甘就問佢係唔係,佢話:「坐完直升機冇哂錢喇,我地要住D平酒店,我地住威斯丁」,我根本唔知威斯丁係乜,點知去到,係一間望住沙灘o既六星級酒店,間房好好好大大大呀~~~~驚喜一浪接一浪

我地放底行李,就起行去玩,整日飲飲食食,玩玩玩

03bd4.jpg

我好累呀,仲o係葡京輸左150蚊,但係你就唔比我返酒店訓,又去了食冇皮o既隻皮奶,我仲問,點解今年我冇生日禮物o既? 11:00PM了,我仲有D急事事,諗住返到去即刻去廁所,點知..................

一入到去,房間走廊用一盆盆o既花砌左一條路,行入去,成地成間房都係花同波波,牆上貼滿我同你7年幾來o既合照,梳妝檯上放了9盆花,還有一大束白玫瑰,床上用縐紙砌出「嫁俾我」三個字,有點透不過氣,一轉身,你就跪係我面前,囉住隻介指(我眼光即到轉移到大大粒的火鑽上)向我求婚,o個一刻,我祗懂傻笑,點了點頭,緊緊擁住你幾分鐘,嗚............我好感動啊,哭左出來,好似做戲甘,好神奇呀,點解成日寸步不離,但係可以令間房變成甘!?嗚呀~~~~...................................眼紅紅的,影底左做公主o既一刻( 平時我係女皇,令日真係一位白白痴痴o既公主)

03bd5.jpg

03bd6.jpg

03bd7.jpg

03bd8.jpg

03bd9.jpg

真的真的真的,好愛好愛好愛,你......]]>


Share this post



Newer Post →