Menu
Cart 0

開始適應了

Posted by mag on

出院已經3日,暫時我覺得所有野都OK,我開始適應了red.gif 其實由BB出世o既一刻,我好多感受想講,今日終於有手寫板~~~

十個人有十個人話生兒育女好偉大,有D犧牲唔係個個可以接受,我做媽咪衹有6日,不如講下我感受到o既「犧牲」先.................................

身型............我生完基本塊面、手手腳腳都收哂水腫,不過個肚仲好似有左三四個月甘,絕對唔係子宮未收宿,係未收肚皮,估計黎緊兩三個月都係甘..............我個乳暈超大,好似壁球圓周甘大,老實講,我自已覺得好核凸,唔知遲D會唔會收返,不過除左老公都冇人見到,而且老公唔介意,所以OK gei...,我個胸由瘦底o既75B 變成 生之前85E 後,再加而家谷奶我估有80F(產後背部瘦左)同埋而家個胸勁下垂,由我以前勁挺變成勁下垂,哩樣有D接受唔到dizzy2.gif 開始有少少肚紋............不過我預左o既

時間............係醫院時除了餵奶時間見到B B,其它時間都冇得見,一返到屋企, B B 就係我o既全部,雖然有婆婆幫忙,加上嫲嫲Lunch 之後又來幫忙到晚上才離開,但係好多野我同老公都會親自出馬love2.gif所以一整天就甘用完,夜晚我同老公一齊餵 B B 兩餐,同埋我餵人奶,而家出奶未係好快,老公幫推下甘B B 啜得舒服Dpls.gif

金錢..................出院埋單五万六,我覺得數目唔算細~~~哩個衹係一個開始,之後仲有大把錢要洗......辛苦了賺錢的老公love2.gif

其實仲有D,不過今日講住甘多先~~~

要感謝由我有BB開始一直照顧無微不至o既老公,我以為阿 B 出世後你會冇甘照顧我......我錯了,你係一個滿分Daddy and 老公................我真係覺得產婦有冇產後抑鬱係老公o既責任,我就一定唔會產後抑鬱.............

我o係醫院時,未訓醒7:30 老公就到步,佢拎晒我平時用開o既pillow ( total 有3個)去醫院比我,除了扶出扶入,倍我去廁所幫我冲洗、抹身、抹面、換襪、餵我食粥,直至夜晚我訓左落床調好張床放好晒D電話、水杯、call 姑娘o既Button 1030先離開,同時一日エ事電話不絕........老公,我覺得你真係好好,我會好好照顧阿囡來報答你hehe.gif 返到屋老公好樂意去學習湊B B,而且每晚會較鬧鐘同我一齊餵夜奶icon8.gif 如果能夠有產假o既老公,我覺得最好可以甘做,因為產後婦要面對一個初生兒,真係好唔容易,邊個幫都唔及老公幫手甘大Supportlove2.gif

雖然凑BB 係辛苦,不過當你看見佢多多表情,你抱住佢o個時佢個"霖"樣,你就會覺得「乜都值返哂~~」

Cassidy 指定睡姿

nicesleepingpost.jpg]]>


Share this post



← Older Post Newer Post →