Menu
Cart 0

超濃宿的24hour, 爺爺...我們來生再見了

Posted by mag on

寫哩篇日記算是心情平伏落黎................或許眼淚已流光了.......................

1月9日

下午4:30 收到姑姐電話,佢地準備接爺爺返屋企,哩度D老人家通常要希望在家中離世,而現時已是差不多2 weeks化療一次,D瘤收細左差不多2 weeks 又再出返來,其實哩個情況已維持左差不多2個月,口腔又憒爛.............爺爺實在受了太多苦....因為爺爺腸o既淋巴瘤出血,嫲嫲覺得唔想爺爺再受折磨了..........

下午6:20 因為老公今日返左HK見客,司機來接我,在與老公電話溝通上出現問題,令原本心情差o既我更更更糟!趕到嫲嫲屋企,門口已企了好幾位法師,屋裡更設好檀準備法事,而爺爺就訓在大廳中,呼吸急速,我埋去叫佢,握住佢涼冰冰的手,佢點頭示意知道我來了............看見爺爺好辛苦一面呼吸一面鳴嗯的叫,眼淺的我忍不住走去樓梯底哭了,我唔想比人見到,因為甘樣會引發大家都哭起來.............

7:30 法事開始,其實我開始時有D反感, 爺爺未死呀!!你地搞咩呀!!但係佢地話<<地藏經>> 幫爺爺解災,解難,等佢舒服D..............誦經時,親人陸續來探爺爺,爺爺好辛苦地叫,我又忍唔住哭起來,真正感到佢將要離世,因為氣速,爺爺能做的衹有點頭,說"好"和"唔好"

8:30 誦第二次經時,係我心情最忐忑,爺爺望住我地用力同我地講"唔想死",我心好酸............挨到而家一直被病魔折磨都堅持係因為爺爺想睇我地耐D,就算佢病成甘都唔想死................我地安慰 誦經係幫佢解災,解難.................此時我真係希望和覺得爺爺如果挨得過佢可能會好返...................

9:30 誦第三次經,老公,媽咪同阿妹都趕到,爺爺張開眼睇我地,我地可以到o既都到齊,佢表現得比之前舒服,而且沒有叫痛......眼淺的阿妹同我不停在哭,害得其它人也哭起上來,法事完畢...............大廳靜下來的同時,爺爺的叫聲也靜下來,我地圍o係佢身邊,呼吸明顯遲援............我知道你要走了............................差不多10:00 在爸爸叫呼你時,我看著你平靜安祥地走了..................大家也很激動,師博話笑喪,叫我地行出門口喊.........

爺爺,雖然細個時爸爸時常唔o係我身邊,但係多得你,我有好多美好o既童年回憶,你要走我真係十萬個唔捨得,但係離開係對你最好,大家也盡力了,但係無辦法比返一個健康o既身体你,我放心了,因為你走的時侯唔辛苦,你好平靜啊~~

大家雖然心情未平伏,但已十分忙碌為爺爺後事打點一切,我地要好好送你最後一程..............喃嘸師做完一輪儀式媽咪就叫我返屋企先...........

12:30 我返到屋企,我其實仲未接受到你走了,我想起你話唔想死我就忍唔住喊,我個頭好痛,食左藥,不過全晚都冇訓過..............

1月10日

7:30 起身梳洗就出法去嫲嫲度,莊香化寶比你時,我面上就會滴水珠...........

9:30 開始各種儀式,尋晚仲會點頭說"好"和"唔好"o既爺爺......我點能夠接受你甘短時間便要化為灰??........我地要送你最後一程喇..........

11:30 火葬之前的最後一面,係最激動而且係我今日最後一次哭了...........

2:00 拎完爺爺o既骨灰,突然我心情平靜了,接受你離世了,我知道你由今日開始保祐我,你人離世了,不過你o既印象永遠藏o係我心中!

6:30 食完晚飯,希望忙了一日o既大家,今晚也能好好休息.]]>


Share this post



← Older Post Newer Post →