Menu
Cart 0

熹琳豬已經1歲喇~~especially for my sweet baby cassidy

Posted by mag on

熹琳豬真的已經1歲了...............

其實每次當MaMa 望著你都會心底裡充滿感恩.................感謝上天賜比我獨一無二o既你.......

3 月27日我生左你, 28號才可以落床, 落床根本行一步都行唔到o既我, 去餵奶房條路就係好似万里長城甘長..................到了7:00PM 我掛住你掛住到心肝都甩,於是姑娘就拎輪椅(有輪椅早講呀o麻!!!搞到我大拿拿成日冇見過我個女...!!!)由老公推我去餵奶房,去到門口,仍要自己 走兩度門...........我拖住腳步,用左兩分鐘行入去................入到去....等姑娘抱BB出來,我心急行快幾 步........D血竟然"BaaBaa" 聲甘從大腿流落黎........嚇得姑娘花容失色..另一邊廂蘇醫生又來到巡房, 搞到我冇得餵BB.....即是話, 3月28日, MaMa第一次抱你,但係祇抱了一下就要交返你比姑娘,但心情己興奮得不得了............................

3 月29日,早上好早就醒了,老公一早黎到同我梳洗我就股起勇氣忍住痛由房間行去餵奶房見你, 第一次見面,我同你講:「BB,我係你媽咪呀~~我好掛住你呀~~你真係好得意呀~~」然後忍不住滴了兩滴眼淚,近距離抱住你的20分鐘過得很快,餵奶房 D人走得九九十十我仍然抱住你傻笑,姑娘走入黎第二次忍唔住問:「唔洗唔舍得woo,以後大把時間見啦~~~」甘我就笑笑口將你交返比姑 娘.................

客觀來說,你並非生得特別可愛的Baby, 祇是你頭髮好多好多,睇落比較特別,但當然你o係BaBaMaMa 心目中係最可愛,就算生得唔可愛,我都會愛你一世.............

這 一年來,你給我的比我給你的多很多很多,每一日你教我學會人要為什么而快樂,其實快樂好簡單,簡單得你用小手指放粒星星餅入口,然後便笑得好滿 足...................不過比不上我抱著你睡,睇住你夢中偷笑,我個心比你溶化了甘滿足............

我不敢奢望你長得可愛,希望你行為要可愛.
我不敢奢望你好聰明,但願你別要愚昧處事.
我不敢奢望你好乖,不過希望你知道BaBaMaMa好愛你,你不捨得傷我們的心.
我不敢奢望你有大成就,願你明白讓身邊愛你的人開心就是做人的最大成就.
我不敢奢望你好友自己滿天下,但要緊記朋友是生命的重要意義,朋友越多表示你活得越有意義.
我不敢奢望你的對象愛你如BaBaMaMa愛你甘多,不過你要諗清楚BaBaMaMa當你如珠如寶成副身家命根心肝"鼎",你自少要乜有乜萬千龐愛,所以你也不必為對你唔好o既男人委屈and遭撻自己,因為你其實係好仱貴!

人生有很多不如意,好多野都係"整定",你不必氣屢,要勇敢面對,因為每個明天都充滿新希望,如果希望被愛,必要先學會愛別人,欣賞你擁有o既一切,想埋怨時,停一停諗一諗,想一想你眼前的人,你眼前的事,其實也不應去埋怨!

你知道嗎,你實在太幸運,除左BaBaMaMa 你身邊有很多Uncle Aunty 好錫你為你付出無私o既愛,係BaBaMaMa從來不敢奢望得到的,你長大後有能力也要孝順佢地,得閑要請佢地飲茶食飯食蛋糕呀~~~

最 後, BaBaMaMa 話你知,我地想你凡事盡力而為,盡了力就算外人覺得不夠好,但係o係BaBaMaMa 心目中你己攞了滿分, 我不敢奢望你日日都開心,但起碼每個月有28日你都要好開心,唔開心o個兩日我都其實希望你留返比我幫你唔開心左佢,有咩事要記得同BaBaMaMa講, 冇野係解決唔到架,我從來冇諗過你要比返D咩我,祇要我還有一口氣,我都在為你著想,如果有能力"種"你,我會"種"你一世!

熹琳呀~~~BaBaMaMa 真係好愛好愛好愛好愛你,請你以身体健康,生活愉快報答我地~我每一天都感謝我生命裡有你!]]>


Share this post



← Older Post Newer Post →