Menu
Cart 0

童裝王國夢想努力中

Posted by mag on

 

擁有自己O既童裝品牌,係我自20歲既夢想.............我覺得有機會步向夢想並不容易.......所以我一直都十分感恩......
係公仔衫事業上無論尺寸,款式, 質量我能夠有100% 信心, 而童裝, 我雖然曾經在上市時裝品牌做過童裝DESIGNER......不過對於真正去HOLD 一個童裝品牌.....我其實仲係好GREEN........

 

我O既目標係做一個平,靚,SUGAR MAG style ( Sugar Mag 係我地做左6年既公仔衫品牌---> www.sugarmagdoll.com ) HLC style  既品牌, 叫做[ COTTON CANDY ], 因為開心既地方, 你先至會見到COTTON CANDY.........., COTTON CANDY 令每一個小朋友都著迷......., 因為佢入口即溶........因為佢太甜........甜到"流", 不過你咬完一口又會忍不住再咬一口去享受佢O既入口即溶............希望開心溶到每一個人O既口裡面

 

哩排經常行街睇下D童裝店,除了本身鐘意購物,我仲係收集緊市埸信息,有一日係"薑餅人"童裝店見到同我地一條$98 既裙 90%似(因為我地都係買左同一本 fashion magazine 抄左同一個款)衹係用唔同布,佢地賣$499...... 你話睇見甘樣,係咪即刻想同大老板借幾百萬去租個鋪博一博!!!!不過我緊係唔會賣$499啦.................  "薑餅人"佢地仲係同我地買開布o個間布行買布,D布同款真係撞到"班班 "聲,不過我地唔怕貨比貨..............因為我地個價係佢地o既 二 折

每日我地都努力學習,希望每一樣野都能夠盡善盡美 今日做起左 COTTON CANDY 既 shopping  bag , 因為其中一個size 有部份印得唔好而覺得好唔開心..............雖然個袋係送,而且我D野唔係貴野, 不過我真係要每樣野都好靚.....唔可以求其定但............因為呢個唔係生意甘簡單,呢個係我既夢想同興趣!!!!我好執著,係希望你地同我一樣甘認真!!!!





等左哩度牆好耐喇~~~

終於完成了~~~

過年前o係北海道帶返黎o既掛鈎...................

今日做起張印仔卡喇~~~好快可以"cup" 印仔~~~ yeahhhh~~~

 COTTON CANDY 推出半年, 其實成績令到我十分驚喜,我無想過可以甘多人支持, 甘多人同我傾合作, 希望不久將來,你地可以見到我地o既童裝專門店

]]>


Share this post



← Older Post Newer Post →